Text Size

Font size:  
  • Increase
  • Decrease
  • Normal

Current Size: 100%

Bandera

A instituí e bandera di Boneiru dia 15 di desèmber 1981. Pa diseño di esaki tabatin un kòntèst bou di e poblashon. Komo ku no tabatin un diseño ganadó den forma kombinsente entre esnan ku a drenta, e bandera a bira un kompilashon di diferente diseño, kreá pa Frans Booi, presidente di e Komishon di Bandera.

Símbolonan

  • E sírkulo ta simbolisá un kompas i ta referí na e echo ku Bonerianonan ta konosí komo bon nabegante i piskadó.
  • E triángulonan ta para pa igualdat pa tur hende for di tur e puntonan kardinal.
  • E strea di seis punta ta representá e seis barionan original na Boneiru: Kralendijk, Nikiboko, Tera Kòrá, Antriol, Nort di Saliña i Rincon.
  • Koló kòrá di e strea ta para pa e sanger i forsa di sobrebibensia di e Boneriano.
  • E parti hel ta para pa solo i flornan i ta referí na e palu di kibrahacha ku ta flora un bia pa aña.
  • E parti blanku ta para pa pas i libertat.
  • E parti blou ta referí na laman.

Eskudo

E eskudo di Boneiru tin un fondo koló azur (heráldiko pa blou, referiendo na laman), ku un wil di timon den oro (refiriendo na e hopi nabegantenan boneriano ku a nabegá riba lamannan di mundu). Kurason di eskudo ta plakat ku un strea di seis punta (kòrá) den un renchi di kompas di sabel (pretu). E totalidat aki ta kubrí pa un korona ku sinku blachi i kuater pèrla (korona di markis).

nòmber heráldiko kolónan ofisial nifikashon simbóliko
garganta kòrá  kurashi, sakrifisio
azur blou Siensia, bèrdat
sabel pretu Peliger, forsa
maron maron poder
oro òf or oro òf hel sabiduria, rikesa
Plata òf argento plata òf blanku fieldat