Text Size

Font size:  
  • Increase
  • Decrease
  • Normal

Current Size: 100%

E sentronan di bario ta manehá pa Fundashon Federashon Sentronan di Bario Boneiru (FESBO), un fundashon lantá dia 21 di ougùstùs 1992 ku komo meta: stimulá e desaroyo spiritual, sosial i físiko di e poblashon di Boneiru. Ta trata na logra e meta aki pa medio di:

  • Inisiá i mantenshon, stimulá i aktivá trabou di bario;
  • dunamentu di yudansa i guia na sentronan di bario pa kumpli ku nan metanan;
  • stimulá bon koperashon entre e diferente sentronan di bario afiliá;
  • uso di tur medio legal ku ta benefisioso pa e meta aki.
Huntu ku habitantenan di bario i otro organisashonnan FESBO ta organisá aktividat ku ta konektá riba deseo i nesesidat di e hendenan den e bario. Direktiva di FESBO ta konsistí di 9 miembro (direktiva diario (3 miembro) i 6 representante di e barionan tradishonal). FESBO ta risibí supsidio di Entidat Públiko Boneiru pa eksplotashon di e ofisina, e mantenshon di e sentronan di bario i pa salarionan di e personal.
 
Aktividatnan
 
Banda di e programa semanal regular i aktividatnan pará riba nan mes FESBO ta organisá tambe anualmente aktividatnan ku ta bini bèk, manera ‘Siman di Famia’, Plan di Fakansi, Derechonan di mucha i Dia Internashonal di Boluntario. E plan di fakansi ta un aktividat ku ta bini bèk pa mucha i nan guianan. Tur aña den luna di yüli, durante fakansi grandi, e sentronan di bario ta sòru pa aktividatnan (edukativo) pa hubentut i hóbennan, manera obra di man, weganan familiar, deporte i wega, vários ekskurshon. Meskos ku Dia Internashonal di Famia, Nashonnan Uní a proklamá 20 di novèmber komo Dia Internashonal di Derechonan di Mucha. Ta organisá e dia aki den koperashon ku organisashonnan sosial manera Sebiki, Bonairiaanse Jeugdzorg, Stichting Gezinsvoogdij Instelling, Jeugdhuis Jong Bonaire i sekshon di Asuntunan sosial di Entidat Públiko Boneiru. 
 
E fundashon FESBO ta para i lanta ku koperashon di boluntario. Pa demonstrá su gratitut bon meresí na e grupo aki FESBO ta organisá dia 5 di desèmber (òf den e wikènt pegá ku e fecha aki) 'Dia di Boluntario'. Tur aña ta trata na duna otro kontenido na e selebrashon aki, pero komo aktividat prinsipal e dunamentu di homenahe na e Boluntario di Aña. E selebrashon aki tambe ta organisá pa e organisashonnan sosial menshoná anteriormente. Mas aleu e habitantenan di bario i organisashonnan por hür e edifisionan di sentro di bario pa tene fiesta, reunion, workshop etc.