Empleado Finansiero C
Bo ta kla pa un funshon nobo den entidat públiko Boneiru? Nos ta brinda bo un oportunidat pa desaroyá bo karera mas aleu. Lesa e vakatura akí bou i deskubrí kon bo por aportá na nos organisashon den un otro forma!
Kiko bo ta bai hasi?
Komo empleado finansiero C bo ta aportá na formashon di ‘dossier’ di e kuenta anual di Entidat Públiko Boneiru. Bo ta okupá bo mes ku e partidanan di balansa, estado di aktivonan, tráfiko di pago i bo ta proveé ‘management’ ku e datonan finansiero korekto. Bo ta responsabel pa konekshon di e sup-atministrashonnan ku e atministrashon dentro di Entidat Públiko Boneiru i pa kobransa di entradanan di gobièrnu. Pensa akí riba èrfpagt, sèn di haf i entrada di hür. Akí bou un parti chikitu di bo trabounan.
- Bo ta hinka e kuenta anual den otro, entre otro e balansa i partinan di e relato finansiero anual;
- Bo ta mantené un bista general dentro di e atministrashon finansiero pa medio di establesé konekshon;
- Bo ta kolaborá ku e siere mensual;
- Bo ta sostené i guia e ‘Gerechtsdeurwaarder’ riba tereno di kobransa forsoso;
- Bo ta kolektá, prosesá i analisá informashon finansiero.
Bo ta bai traha den un ambiente outomatisá. Pa e motibu akí ta importante ku bo por traha bon ku kòmpiuter i sistema.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Si bo no ta kumpli ku tur e eksigensianan ku ta kuadra ku e funshon akí, nos ta hasi uso di un eskala inisial. Esaki ta eskala 9 i ta trata di minimalmente $ 3255,- i maksimalmente $ 4185,- pa luna. E salario regular pa e funshon akí ta kai den eskala 10 i ta sòru pa un salario di minimalmente $ 3825,- i maksimalmente $ 4625,- pa luna. Banda di esaki bo por konta ku:
- Sèn di vakansi di 8,33%;
- Un ‘13ᵉ maand’ kompleto;
- 168 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou fultaim di 36 ora;
- Un nombrashon pa 1 aña. Den kaso di satisfakshon mutuo tin un opshon pa un relashon di trabou vast.
Bo salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Pa e funshon akí bo tin mester di minimalmente un formashon na nivel di hbo. Preferibelmente den direkshon di ekonomia empresarial (bedrijfseconomie) òf atministrashon di empresa (bedrijfskunde).
Banda di esaki nos ta verwagt ku bo tin konosementu i saber di areglonan relashoná ku posishon hurídiko i e proseduranan ku ta mará na esakinan. Eksigensianan adishonal ku ta pertenesé na e funshon akí ta:
- Konosementu tokante limpiesa i kontròl di partida di balansa, entrada i gastu;
- Eksperensia ku kobransa di sumanan habrí pa notanan gubernamental;
- Bo ta ábil den uso di Excel, tantu pa generá raportahe komo pa ehekutá kalkulashon a base di fórmula;
- Abilidat den dunamentu di konseho tokante proseduranan finansiero i di posishon hurídiko;
- Eksperensia ku evaluashon i presentashon di informashon finansiero i ku formulashon di informashon di maneho finansiero;
- Bo por raportá den un forma klarito i komprendibel, tantu verbalmente komo por eskrito, tokante desaroyonan i konstatashonnan finansiero.
Ta verwagt di bo ku bo ta papia i skirbi hulandes i ku bo ta papia papiamentu òf ku bo ta dispuesto pa siña esaki. Pa motibu ku na Entidat Públiko Boneiru nos ta digitalisando nos prosesonan, ta importante ku bo ta disponé di abilidat digital.
Loke ta importante tambe pa sa
- Un assessment por forma parti di e prosedura di solisitut;
- Bo mester por presentá un Deklarashon Tokante Kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 20 di mei 2024 na solliciteren@bonairegov.com. Por dirigí esaki na Kolegio Ehekutivo, na atenshon di Departamento di Personal i Organisashon. Nos adrès ta Kaya Aruba 1, Kralendijk, Boneiru.
Bo tin duda ainda òf bo ke haña mas informashon tokante e funshon? E ora ei tuma kontakto ku e sup-hefe di departamento di atministrashon finansiero Nadeisha Sint Jago òf e Kordinadó di Reklutashon Linda Velema via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
