Text Size

Font size:  
  • Increase
  • Decrease
  • Normal

Current Size: 100%

 

Purifikashon di awa sushi

Boneiru ta trahando riba purifikashon di awa sushi. Un proyekto ku tin di haber ku nos tur.

Informashon aktual bo por haña den e foyeto Awa Awe i riba Facebook (kloaka Bonaire)

Un planta chikitu (AWZI) ya ta den operashon. E planta mas grandi (RWZI) pa kuminsamentu di 2014 lo ta den operashon. Tambe e sistema di Kloaka ta den konstrukshon. Purifikashon di awa sushi ta nesesario pa salubridat públiko i pa konserva nos refnan. Esaki ta di hopi importansia pa turismo i nos ekonomia.

 

Ordenansa di awa sushi

Desde medio 2012 ordenansa di awa sushi ta na vigor. E ordenansa nobo aki ta kontené reglanan ku ta nesesario pa ehekushon di e proyekto di Kloaka.

Ordenansa di awa sushi ta regla kolekshon, transportashon i purifikashon di awa sushi. Bibiendanan i negoshinan na kosta ku mester ta konektá riba e sistema for Hato, via Playa Pabou i Playa Pariba te den besindario di aeropuerto i di Belnem te Punt Vierkant ta obligá pa konekta riba e sistema di kloaka. Por hasi esaki gratuitamente si esaki sosodé promé ku 31 di òktober 2013 serka e tim di kordinashon. Despues di e fecha gastunan di konekshon ta pa kuenta di e doño di kas of negoshi. pa tur informashon por lesa e foldernan "konekta riba kloaka".

Gobièrnu tambe tin su obligashon pa den zonanan indiká bai buska e awa sushi ku trùk di awa. Ta trata aki di zonanan habitá dentro di 500 meter na kaminda pa Rincon i Lagun.

 

Obligashon di kuido

Ordenansa di awa sushi ta kontené e obligashon ku kada habitante ku ta atendé ku awa sushi mester sòru pa no hasi daño na medio ambiente. Esaki ta nifiká ku e tera, awa di pos of bou i/of riba di tarea no mester keda kontaminá. Tampoko ta permití na hasi daño na e sistema di Kloaka dor di laga supstanshanan prihibi penetrá den e sistema.  (lesa e foyeto, (hulandes,  ingles, spañó i Papiamentu)

E proyekto di Kloaka ta un parti di e Maneho di Medio Ambiente di Boneiru