Text Size

Font size:  
  • Increase
  • Decrease
  • Normal

Current Size: 100%

Pa evitá ku e bista di nos isla ta pèrdè su kalidat i/òf pa trese su kalidat  bèk, Entidat Públiko Boneiru ta preparando un maneho di propaganda. Den esei ta formulá un vishon tokante ekspreshon di propaganda den espasio públiko komo propaganda empresarial riba òf na edifisionan. Bou di e konsepto ‘empresa’ ta kai tur aktividat pa kua ta duna atenshon na propaganda òf popularidat di nòmber. Aki por pensa riba un profeshon, (dunamentu di) servisio, horeka, hotèl, kompleho di apartamentu òf instansia sosial.

Último tempu mas i mas bòrchi di propaganda ta aparesé den espasio públiko. Un oumento deskontrolá di ekspreshon di propaganda ta kondusí na ménos bunitesa di esena di kaya i ku esei e lo tin influensia riba e manera ku hende ta eksperensiá nos isla. Banda di esei e por okashoná situashonnan insigur pa tráfiko. Pa e motibu ei tin nesesidat na klaridat riba kiko ta deseabel òf nò i kiko por keda permití. Esakinan ta kosnan ku nos no ke pa Boneiru, un isla ku ta konosí pa su bunitesa i ku atrabes di añanan ta risibí mas i mas bishitante. Lo ta bon ku miéntras e kantidat di aktividatnan komersial i moveshonnan di tráfiko ta oumentá, seguridat ta keda salbaguardiá i esena di kaya ta keda limpi i atraktivo. Si inkorporá propaganda na un manera harmonioso den su alrededor esei netamente por tin un efekto positivo riba e alrededor ei. Esei lo por kontribuí na hasi e esena di kaya mas bibu i asentuá e dinamismo di siudat.

Fin di sèptèmber a kuminsá ku enkuentronan pa tur ‘stakeholder’, esnan enbolbí i públiko pa den bon palabrashon yega na un maneho ku sosten amplio. Ku un maneho klarito den man gobièrnu lo por trata petishonnan pa pèrmit pa ekspreshon di propaganda mas efisiente. Alabes lo kuminsá ku un trayekto pa deshasí di tur situashon indeseá i sin pèrmit. Den e kuadro aki lo pone e nota pa un Maneho di Propaganda den forma di konsepto pa tur hende mira for di 2 te ku 31 di òktober na Direktora di Planifikashon i Desaroyo, departamentu di Maneho i Proyekto, na Kaya Amsterdam 21. Tur hende por bin tira un bista den e nota riba dia di trabou entre 9’or di mainta i 12’or di mèrdia. Por manda pregunta i reakshon pa medio di imeil riba reclamebeleid@bonairegov.com.  

E nota den forma di konsepto lo ta disponibel digitalmente tambe riba e lenk aki Konsepto di Nota di Propaganda

E presentashon di e reunion públiko ta disponibel aki.