Text Size

Font size:  
  • Increase
  • Decrease
  • Normal

Current Size: 100%

Kralendijk –– Djabièrnè último sr. Lionel Nicolaas mihó konosí komo Nel a rekordá ku kuarenta aña pasá riba e fecha 18 di sèptèmber el a drenta servisio di gobièrnu sentral na Departamento di Kadaster Boneiru komo asistènt ‘landmeter’. Nel ta un di e personanan ku a traha ku e proyekto di ‘kadastrering’. E tempu ei Kadaster Boneiru a kuminsá midi tur edifisio, tur tereno èrfpagt, tur tereno propiedat i tur karetera ku tabata asfaltá pa pone nan riba mapa di Boneiru. Na aña 2001 Nel a pasa pa gobièrnu insular na Departamento di Domeinbeheer komo ‘landmeter’ pa registrá tur kunuku i kas riba tereno di gobièrnu (huurgrond). Aktualmente Lionel Nicolaas ta traha na Direktorado di Planifikashon i Desaroyo, sekshon Realisashon. Diputado James Kroon kende ta enkargá ku e direktorado aki a felisitá sr. Nicolaas pa tur e añanan ku su persona a traha ku alma i kuerpo pa su isla. Sr. Etienne van der Horst, hefe direkto di Nel, tambe a gradisí Nel pa su trabounan i spesialmente e famia na kas ku durante kuarenta aña a sostené sr. Nicolaas pa a kumpli ku su trabou diariamente na bienestar di Boneiru.

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB