Text Size

Font size:  
  • Increase
  • Decrease
  • Normal

Current Size: 100%

KRALENDIJK - Desde ku e Organisashon Mundial di Salú (WHO) na aña           1989 a instituí e Dia Mundial Kontra Tabaku, anualmente dia 31 di mei ta Dia Mundial Kontra             Tabaku. Riba e dia aki ta para ketu na e peligernan di     tabaku, spesialmente e peligernan riba término largu. E Organisashon             Mundial di Salú – WHO ta             preokupá ku e miónes di hende ku tur aña ta muri       komo konsekuensia di humamentu òf inhalá huma di tabaku di otro         hende.

            Tur aña riba Dia Mundial Kontra Tabaku ta duna atenshon na un otro tema. E     tema di e aña aki ta ‘Tabaku i malesanan di kurason’. E tema aki ta dediká na             eksponé e relashon entre tabaku i malesanan  di kurason i otro         enfermedatnan kardiovaskular i aumentá konsiensia tokante esaki.             Mundialmente enfermedatnan kardiovaskular ta un di e kousanan di morto          mas grandi. Anualmente ront mundu mas ku 7 mion hende ta muri dor di            humamentu, di kua kasi 900.000 hende ku no ta huma (dor di  huma pasivo –     inhalá huma di otro hende).

 

            Sifranan di “Health Study Caribisch Nederland “(2017) ta mustra ku 17% di          poblashon di Boneiru ta humadó. Di e hende hòmbernan, 4.1% ta huma   fuerte (por lo ménos 20 sigaria pa dia), 12.9 % ta huma diariamente pero no    fuerte i 5.6 % ta huma pero no diariamente.

            Pa e hende muhé na Boneiru e sifranan ta mas abou, 0.9 % ta huma fuerte,        5.9 % diariamente pero no fuerte i 5.1 % ta huma pero no diariamente.

            For di e personanan ku no ta huma, 12 % ta humadónan pasivo, nan no ta          huma nan mes pero ta wòrdu eksponé na e huma di otronan. Dor di wòrdu eksponé na e huma, ta manera ku nan mes ta huma. Muchanan tambe ta       wòrdu eksponé na huma di otronan.

            Di e muchanan di 0-12 aña esaki ta 9 % i di e muchanan di 12-16 aña ta 14%.

 

            Por prevení enfermedatnan kardiovaskular dor di no huma i hiba un bida salú.             Lamentablemente aki na Boneiru tambe tin kasonan di enfermedatnan     kardiovaskular. Segun statistiknan  di CBS na 2013 2% di e hendenan ku a wordu enkuestá na Boneiru  a menshoná ku nan a haña un ataka di kurason i         2.3% un ataka serebral òf derame serebral (https://opendata.cbs.nl/).

 

            E Departamentu di Salubridat Públiko di Entidat Públiko di Boneiru ta traha         riba prevenshon di uso di stimulante ( droga i alkohòl). E prevenshon aki ta    dirigí mas tantu riba hóbennan.Den e método    “ Skolnan Salú i Seif ”e             Departamentu di Salubridat Públiko ta asistí e skolnan aki na Boneiru ku    aktividatnan preventivo na unda atenshon ta wòrdu duna na e tema          humamentu.

 

Diputado di Salubridat Públiko sr Edsel Cecilia ta hasi un yamada na tur hende ku ta huma riba nos isla pa para ketu na e peligernan di humamentu i inhalá huma di otronan i ta pidi bo pa pone un paso den direkshon di stòp di huma. Bo mester di yudansa pa bo stòp di huma? Tuma kontakto ku bo dòkter di kas.

Afbeeldingsresultaat voor world no tobacco day 2018

Un Boneiru salú i liber di humamentu ta un tarea di nos tur.

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB