Text Size

Font size:  
  • Increase
  • Decrease
  • Normal

Current Size: 100%

Kralendijk –– Si den un era di konsientisashon tokante medio ambiente nos ke keda atraktivo i kompetitivo nos mester tin un strategia pa sostenibilidat. Esaki diputado Hubert Martis a trese dilanti na apertura di e seminario Bonaire The Green Destination . Ounke turismo ta ofresé bentahanan ekonómiko indiskutibel, e tin konsekuensianan ku ta sali karu tambe pa medio ambiente. Si ta trata di ‘carbon footprints’ ku biahamentu ku avion a generá òf marka di pia di hende ku a trapa naturalesa intakto, biahamentu por hasi daño òf destruí ekosistemanan i kontribuí na e kambio di klima mundial. Na mes momentu medio ambiente afektá i kambio di klima tin e potensial pa opstruí patronchinan turístiko dramátikamente i kousa daño konsiderabel na sierto destinashonnan. Superfisie di laman ku ta subi, formashon di desierto i patronchi di wer ku ta kambia por hasi daño na atrakshonnan turístiko òf destruí esakinan. Komo konsekuensia di esaki rápidamente turismo i sostenibilidat di medio ambiente ta birando partner natural di otro. Mas i mas agènda di esun ta bira igual na agènda di e otro. Ningun otro indústria mester kana asina kuidadoso riba e liña smal di kresementu ambientalmente responsabel ku no ta esun turístiko. Probablemente ningun otro indústria tin asina tantu pa gana òf pa pèrdè. Sinembargo te ku awe djis un man yen di destinashon a subi bai den direkshon di e desafio bèrdè; mayoria otro a keda tras. Destinashonnan ku ta siegu pa desaroyo sostenibel ta riska di hasi daño na nan fuentenan i pa falta di vishon nan ta invertí muchu tiki den preservashon di nan tesoronan natural. Pa motibu ku nan ta fia di futuro, nan ta kambia salubridat di durashon largu ku ganashi di durashon kòrtiku. E meta final di un strategia bèrdè eksitoso ta pa atkerí e bentahanan ekonómiko di turismo mientras ta limitá e efektonan pa medio ambiente. E eksperiensianan di organisashonnan di sektor privá i públiko ta sugerí ku e strategianan mas fuerte ta esunnan ku tin un enfoke holístiko. E organisashonnan aki ta trata kada destinashon komo un  ekosistema físiko, kultural i ekonómiko den su totalidat. Esaki ta hasi e kongreso aki hopi eksitante i informativo. Durante e dia aki ekspertonan lokal i for di eksterior i tambe stakeholdernan lokal lo kompartí nan konosementu, eksperiensia i/òf plannan ku bo. Un dia ku hopi informashon prosedente for di diferente ángulo di sostenibilidat relashoná ku turismo, naturalesa i maneho i medio ambiente, kolektá i prosesá sushi separá, energia bèrdè i sparmentu di energia. E enfoke di e kongreso aki riba sostenibilidat no ta pa kasualidat, pero ta kuadra ku e desaroyonan mundial ku Nashonnan Uní ta stimulá. Den kuadro di e Agènda Universal 2030 pa Desaroyo Sostenibel i Ophetivonan di Desaroyo Sostenibel Nashonnan Uní a apuntá e aña aki komo e ‘Aña Internashonal di Desaroyo di Turismo Sostenibel 2017’. Esaki ta pa sostené i stimulá e maneho nesesario, práktikanan komersial i  komportashon di konsumidó na kaminda pa un sektor turístiko sostenibel. Den e konteksto aki i den konsulta ku Ministerio di Asuntunan Ekonómiko Tourism Corporation Bonaire – TCB a partisipá na e evaluashon di Boneiru komo un destinashon turístiko den 2016. E evaluashon ku QualityCoast i Green Destination a hasi na aña 2016 a kondusí na e ‘Silver Award’, i mesun kos tambe na aña 2017. Komo Boneiru nos por ta orguyoso di e resultado aki. Pa prepará Boneiru pa skor asta mas haltu ainda na e siguiente evaluashon Tourism Corporation Bonaire – TCB i Ministerio di Asuntunan Ekonómiko a tuma e inisiativa pa organisá e kongreso aki i invitá bo komo stakeholder pa partisipá. E meta ta pa mobilisá i organisá stakeholdernan pa traha huntu durante e añanan binidero na desaroyo mas aleu di sostenibilidat di Boneiru. Komo diputado mi ta hasi un apelashon riba un i tur pa aportá na preservashon di Boneiru pa nos tur i pa nos bishitantenan.  E desaroyo aki ta kuadra ku nos vishon pa desaroyá Boneiru sosialmente i ekonómikamente, mientras ku naturalesa i kultura ta keda preservá. Awor ta tempu pa pone un paso grandi dilanti pa loke ta trata preservashon di Boneiru. E ekspreshon sektor turístiko ta hopi usá, pero turismo ta ensera un variedat grandi di sektor empresarial. Ku e ponensia aki na bista un programa di sostenibilidat ku ta realmente holístiko ta eksigí esfuerso di hopi diferente stakeholder. Ta apsolutamente nesesario ku gobièrnu, sektor privá i organisashonnan den nos komunidat ta traha huntu pa krea i ehekutá maneho sostenibel. Di e manera aki mi ta habri e kongreso aki i mi ta deseá boso un dia eksitoso.             

STATEGIE VOOR DUURZAAMHEID NOODZAKELIJK

“Als wij in dit tijdperk van milieubewustzijn aantrekkelijk en competitief willen blijven, dan hebben wij een strategie voor duurzaamheid nodig.” De gedeputerde Hubert martris gaf dit aan tijdens de opening van het seminar Bonaire The Green Destination. Hoewel het toerisme onbetwistbare economische voordelen biedt, heeft het ook kostbare gevolgen voor het milieu. Of het nu gaat om ‘carbon footprints’ veroorzaakt door luchtreizen of menselijke voetsporen die ongerepte natuur vertrappen, reizen kan lokale ecosystemen beschadigen of vernietigen en bijdragen aan de wereldwijde klimaatverandering. Tegelijkertijd hebben aantasting van het milieu en klimaatverandering het potentieel om algemene toeristische patronen dramatisch te verstoren en bepaalde bestemmingen aanzienlijke schade toe te brengen. Een stijgende zeespiegel, woestijnvorming en veranderende weerpatronen kunnen de toeristische trekpleisters beschadigen of vernietigen. Als gevolg hiervan worden toerisme en duurzaamheid van het milieu  in hoog tempo elkaars natuurlijke partners. Hun agenda's worden steeds meer onderling verweven. Geen enkele andere industrie moet de smalle lijn van milieuverantwoorde groei zo zorgvuldig bewandelen als de toeristische industrie. Waarschijnlijk heeft geen enkele andere industrie heeft zoveel te winnen of te verliezen. Tot op heden klimmen echter slechts een handvol bestemmingen op richting de groene uitdaging; de meeste anderen liggen achter. Bestemmingen die blind zijn voor duurzame ontwikkelingen riskeren hun bronnen schade toe te brengen en investeren op kortzichtige manier veel te weinig in het behoud van hun natuurlijke schatten. Door van hun toekomst te lenen, wisselen ze lange termijn gezondheid in tegen korte termijn winst. Het pakken van de economische voordelen van het toerisme terwijl  ongewenste milieueffecten beperkt worden, is het uiteindelijke doel van een succesvolle groene strategie. De ervaringen van organisaties uit de particuliere en publieke sector suggereren dat de meest krachtige strategieën diegenen zijn die een holistische benadering hanteren. Deze organisaties behandelen elke bestemming die ze overzien als een volledig fysiek, cultureel en economisch ecosysteem. Dit maakt dit congres zeer opwindend en informatief. Tijdens deze dag zullen buitenlandse en lokale experts en ook lokale stakeholders hun kennis, ervaringen en/of plannen met u delen. Een dag met veel informatie afkomstig uit verschillende invalshoeken van duurzaamheid met betrekking tot toerisme, natuur en milieubeleid, het verzamelen en verwerken van gescheiden afval, groene energie en energiebesparing. De focus van dit congres op duurzaamheid is niet toevallig, maar is in lijn met de wereldwijde ontwikkelingen die door de Verenigde Naties worden gestimuleerd. In het kader van de universele Agenda 2030 voor Duurzame Ontwikkeling en Duurzame Ontwikkelingsdoelstellingen heeft de VN dit jaar aangewezen als het ‘Internationaal Jaar van Duurzame Toerisme Ontwikkeling 2017’. Dit is om het nodige beleid, de handelspraktijken en het consumentengedrag te ondersteunen en te stimuleren op weg naar een meer duurzame toeristische sector. In deze context en in overleg met het Ministerie van Economische Zaken heeft de Tourism Corporation Bonaire - TCB deelgenomen aan de evaluatie van Bonaire als een groene toeristische bestemming in 2016. De evaluatie die gedaan werd door QualityCoast en Green Destination heeft in 2016 tot de Silver Award geleid, en zo ook in 2017. Als Bonaire kunnen we trots zijn op dit resultaat. Om Bonaire erop voor te bereiden om zelfs nog hoger te scoren bij de volgende evaluatie, heeft de Tourism Corporation Bonaire – TCB en het Ministerie van Economische Zaken het initiatief genomen om dit congres te organiseren en u als stakeholder uit te nodigen om eraan deel te nemen. Het doel is om stakeholders te mobiliseren en te organiseren om de komende jaren samen te werken aan de verdere ontwikkeling van de  duurzaamheid van Bonaire. Als gedeputeerde doe ik op eenieder een beroep om bij te dragen aan het behoud van Bonaire voor ons allen en onze bezoekers. Deze ontwikkeling is in lijn met onze visie om Bonaire sociaal en economisch te ontwikkelen, terwijl natuur en cultuur behouden blijven. Nu is het de tijd om een grote stap voorwaarts te doen met de preservatie van Bonaire. De term toeristische sector wordt veel gebruikt, maar toerisme omvat een breed scala aan bedrijfssectoren. Met deze stelling in gedachten vereist een echt holistisch duurzaamheidsprogramma de inzet van veel verschillende stakeholders. Het is absoluut noodzakelijk dat de overheid, de particuliere sector en het maatschappelijk middenveld samenwerken om duurzaam beleid te creëren en uit te voeren. Hierbij open ik dit congres en wens ik u een succesvolle dag toe.   

 

 

 

 

 

 

 

 

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB