Text Size

Font size:  
  • Increase
  • Decrease
  • Normal

Current Size: 100%

DIPUTADO ROLANDA HELLBURG-MAKAAI A RISIBÍ KARATEKANAN

Kralendijk, Riba invitashon di diputado Rolanda Hellburg-Makaai shete karateka di Bonkarate a risibí un pin i un tas komo  muestra di apresio. E karatekanan aki a saka kara di Boneiru na e kompetensia di karate di Karibe ku a tuma lugá na Sürnam.

E shete karatekanan  a regresá ku Oro, Plata i Bròns for di e kampionato parti den Kata i Kumite. Diputado a felisitá e hóbennan ku nan gran logro den e kompetensianan.

E hóben Everon Vrutaal a logra dos titulo den su kategoria i tambe a sali e karateka ku mas stail. Everon a risibí pa esaki tambe un trofeo..

ANOCHI KU LUNA YEN TÍTULO: HISTORIA RIBA STUPI DI ‘N KAPITÁN I HISTORIA DI NABEGASHON

Kralendijk : SKAL ta kontinuá ku aktividatnan segun su kalènder kultural. Anochi ku Luna Yen, un inisiativa ku a nase den pasado for di algun siudadano ku gran pashon pa nos idioma papiamentu. Manera ta konosí kaba ku SKAL ta keda pone énfasis riba e meta kual ta pa stimulá otro pa skirbi, deklamá, konta un storia, kanta i presentá un òf mas obra kòrtiku na papiamentu durante e aktividat. SKAL su tarea ta pa yuda stimulá i purba mantené e aktividat di Anochi ku Luna Yen den su forma di orígen mas tantu ku ta posibel i ta invitá bo pa bini ku bo obra pa presentá.

BIBLIOTEKA PÚBLIKO KU BUKINAN NOBO DEN NAN HUKI DI BUKI

Kralendijk – Biblioteka Públiko tin e plaser di presentá nan huki di buki. Na tur ku ta miembro ò ku kier bira miembro ta invitá pa pasa i asina sera konosí ku nan huki di buki. Regularmente ta eksponé e bukinan nobo ku yega den un huki p’asina tur hende, hóben i mucha ta na altura. 

ADAPTASHON DI PREIS DI KOMBUSTIBEL ENTRANTE 1 DI OUGÙSTÙS 2017

Kralendijk - En konekshon ku kambionan di preis di petroli riba merkado mundial Gobièrnu di Boneiru ta adaptá preisnan di produktonan di kombustibel. E siguiente kambionan di preis di kombustibel lo ta na vigor entrante 1 di ougùstùs 2017. Gobièrnu di Boneiru ta partisipá ku e adaptashon di preis entrante ougùstùsi 2017 ta resultá den un bahada pa gasolin,kerosin, gasoil, bòter di gas grandi i chikí.

 

REFORESTASHON NA FÒNTEIN

Kralendijk, 19 di yüli 2017. Entidat Públiko Boneiru a indiká un tereno banda di Kaminda Onima na altura di Fòntein pa reforestashon. Esaki ta un di e 10 áreanan ku ta destiná pa e meta aki. Awor Fundashon Echo ta bai hasi e preparashonnan pa por kuminsá ku plantamentu di palu den temporada di awaseru.

 

‘Wowítis na Boneiru’

E sekshon di Salú Públiko di Entidat Públiko Boneiru ta partisipá ku desde algun siman hopi hende tin molèster di wowo infektá.

ATVERTENSHA PA BOTO CHIKÍ RELASHONÁ KU TORMENTA TROPIKAL DON

Kralendijk – For di awe djamars 18 di yüli 2017 atardi te ku djarason 19 di yüli 2017 , por spera efekto di un siklon tropikal yamá Don den e área di Boneiru segun KNMI, e servisio meteorológiko di Hulanda.

Awe djamars i mañan djarason por ferwagt awaseru i bientunan fuerte.

Havenmeester i KNMI ta konsehá tur piskadó i personanan ku a plania pa subi laman awe i mañan pa ta kouteloso.

Tormenta Tropikal Don TIM DI KALIMIDAT TA SIGUIENDO DESAROYO DI TORMENTA TROPIKAL DON

Kralendijk – Tim di kalamidat ya a reuní pa un gran parti i ta siguiendo e desaroyo pa loke ta trata e Tormenta Tropikal Don. Un di e akshonnan ku ya a tuma lugá ta echo ku a pone e diferente gruponan ku ta forma parti di e Tim di Kalamidat lokal riba alerta i a kuminsá hasi e preparashonnan ku e pasashi di e tormenta den serkania di Boneiru den kurso di mañan djarason pa 14.00’or. Ta trata aki di grupo di EBT, enkabesá pa Gezaghebber sr.

PREVENSHON DI HIV DOR DI HASI TÈST REGULARMENTE

Kralendijk - Durante un reunion di trabou spesial riba djasabra 1 di yüli e dòkternan di kas di Boneiru a dediká atenshon na nan aporte aktivo pa redusí e riesgo pa infekshon ku e víres di HIV.

BONEIRU A TUMA PARTI NA E REUNION ANUAL TOKANTE IHR

Kralendijk - Resientemente 25 profeshonal den Salubridat Públiko di Sint Maarten, Kòrsou, Boneiru, Sint Eustatius i Saba a  reuní na Saba pa e reunion anual tokante e reglanan internashonal di Salubridat Públiko ( International Health Regulations- IHR).

E grupo tabata konsistí di entre otro spesialistanan riba tereno di vektor kontròl, profeshonal nan riba tereno di laboratorio i trahadónan di maneho i tambe spesialistanan di e instituto nashonal di Reino pa Salubridat i Medio Ambiente ( RIVM).

Pagina's

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB